Sunday, October 13, 2013

FACEBOOK A KA THU NAWI : AUG-SEP, 2013 CHHUNG A MI:

Ka héllai tleitir biangnovio
Thlehnêm belin belhlai rûnah
Tukthuan zai rêl thei lovin
A zâl reng e laikhum mawiin.
Zâl rawh zâl reng rawh duhlai,
Zing chhûn zân zawmin zâl rawh.
I mawina a chuai chuang lova,
I duhawmna ka tân a ngai reng a,
I itawmna ka iai phah hek lo....
----------------------------------------------------
Kan mamawh lâi tak a,
Ni eng mawi tak a lo lan a,
Ruahpui vanawn a lo sur a,
Thli a lo thawt vûk vûkte hian,
Kan lo hlimpui viau thin si a;
Engati nge ruah lo sur thin hi,
A chânga malsawm ruah ti si,
A chânga khawchhia kan tih mai le.

Khaw tha hian
Landân chi hrang hrang,
Hmel hrang hrang hmangin,
A inlantir a ni zawk lo maw!?
----------------------------------------------------
Nitinin
Thenkhatin
Midangte hriat turin
Thu thlum leh ril tak takin
An chhungril nun zalenna turin
An nun chhungril ber atang ngeiin
An chhungrila thu inthupte hmangin
An f.b status an rawn update fo thin
Thenkhatte erawh chu nitin hian
An rilru hah chhawk zâng turin
Thuril leh thlum tak hmangin
An in phochhuak ve asin
Mahse an thiamnain
A tlinlo mai nilovin
An huaisennain
A ngamlo asin.
----------------------------------------------------
Ka theihnghilh daih atâna tha,
Ka hriatreng thin avang hian;
Ka hriatreng tur atâna tha,
Ka theihnghilh phah fo thin.
============
Ka hriatreng loh atâna tha,
Ka hriatreng thin avang hian;
Ka hriatreng tur atâna tha,
Ka hriatreng loh phah fo thin.
----------------------------------------------------
KA PA KHA
Naupang ka ni:
Ka pa, engkim tithei kha,
Pa ropui ber a ni thin a,
Pa huaisen ber a ni thin a,
Pa thiltithei ber a ni thin a,
Engkim a thuhnuaiah a dah thei.
Ka lo leikâng ve a:
Ka pa, ka duhtak kha,
Mihring ve tho a ni a.
Ka tan rim takin a thawk a,
Ka tâna tha turah ui a nei ngai lo a,
Harsatna tamtak a hmachhawn a,
Ka tan a theih tawp a chhuah thin.
Ka lo thanglian ve ta:
Ka pa, ka ngaih em em kha,
Kan chhungkaw in nghahna a ni a.
Amah avangin ka thla amuang a,
Amah avangin ngaihhlut ka ni a,
Amah avangin thil tam tak ka hria.
Ka lo upa ve ta:
Ka pa, ka ngaih em em kha,
A kutah engmah awm lo mahse
Amah kha engkim aia hlu a ni a.
A thahruite chak tawhlo mahse
Ka tân chakna hnar ber a ni a.
Thu tam tak sawi tawh lo mahse
Ka tân thu lâkna hnar ber a ni a.
He khawvel hi chhuahsan mahse
Ka nun innghahna ber ala a ni a.
Kan hmuh theih ni tawh lo mahse,
Ka nun kaihruaitu a la ni reng si a.
Ka Pa, mual liam hnu kha,
Ka tân pa tha leh hlu ber a ni a,
Khawvel pa ropui an tihte nen
Ka khaikhin phal ngai lo a,
Ka tân chuan ani tluk a hlu
An awm thei ngai lo ang.
----------------------------------------------------
I Pathian lak ata hla takah bovin,
A lak ata ka bo tih pawh in hre lo,
Amah ka hlat a ni tih pawh hre lo,
Amah hnaih ngaihna pawh hre lo,
Amah hnaih tumna pawh nei lo,
Duli bo, Beram bo, fapa tlan bo!
Eng angin nge Pathian lakah i bo.
A kianga awm tur a sawiselbo,
Tumah an awm thei tak tak lo,
A kianga kirleh tlak lo khawp a bo,
Tumah reng an awm chuang lo.
Ani chuan amah pantu apiangte,
Ngaihdamnain min lo pawm si a.
Amah pan mai hi kan tihtur chu a ni.
----------------------------------------------------
Amah atang leh, Amah avang leh Ama tân thil zawng zawng a lo awm a ni si a; Ama hnenah chuan chatuanin ropuina chu awm rawh se (Rom 11:16)
----------------------------------------------------
Engkim tithei leh engkim hretu kan Pathian chuan, kan rilru chhungril ber thlengin a hria.
Mihringte ruahmanna leh remruatna anga kal mai lovin, Amah chuan ruahmanna dang a lo nei thin a, chu ang chuan a kal mai thin.
Kan ruahman lawk ang lo a thil a thlen chângte hian, a tirah hre thiam nghal mai lo mah ila, kan thatna tur Pathian remruat a lo ni zawk fo thin.
----------------------------------------------------
Dik ber ni a kan hriat angin kal ila,
Tha ber ni a kan hriat angin ti ila,
Kan theihna sâng ber hlân zel ila
Mi mit kan tlung zo lo a nih po'n,
Kan theihtawp kan hlan miau a,
Theihtawp hlan ve lo tu ai chuan
Kan nun a hlim zawk ngei ang....
----------------------------------------------------
Hun tha leh duhawm,
Damna leh Hriselna,
Finna leh theihna,
Malsawmnate,
Min petu chuan,
Ni thar duhawm tak
Min hruaithleng leh ta e.
He kan khawvel hringnun a thilpawimawh ber pakhat NAKTUK kan tih fo thin kha, tun (zanlai) ah hian kan zingah a lo thleng a.
----------------------------------------------------
Kan sualna leh kan thatlohnate a hriat ang tho hian, kan felna leh thil tha kan tihte pawh a hre fai vek a sin.

KA FACEBOOK TIMELINE A KA THU NAWI - AUG-OCT, 2013 A MI THENKHAT

I thiltih that miten an hre lo emaw i tihte pawh kha, engkim chunga roreltu chuan a hre vek a, i lawmman tur pawh i hriat lohin a lo siam vek asin. 
Chu i lawmman dawn tur chu i hmuh ngei theihnan, a tha thei ang ber, a dik thei ang berin ti zel la, midangte tan malsawmna ni zel ang che.
-----------------------------------------------
Thiante u,
Nangni hi awm lo ni ta ula,
Facebook-ahte pawh hian,
Ka lut fo peih awm si lova.
In tel lova hringnun hman pawh,
Rilru hian a suangtuah ngai lo.
Ka tân hian in lo va hlu tak em.!
-----------------------------------------------
Chawlhkar tawp kan thleng lehta e. Chawlhkar tluana hlim leh nuamti taka hun ka hman theih nan hian, mal min sawmtu Pathian leh ka hun tam zawk min hmanpuitu, hnathawhpuite leh thianthate hi ka tân in va hlu em!.
-----------------------------------------------
Facebook etc kaltlanga ngaihdan leh chanchinte ka share pui thin Thiante hi awm lo ta ula, hringnun hi engtin hmang ang I maw! 
Chawlhkar thar duhawm hmachhawn turin duhsakna ka hlan vek a che u.
-----------------------------------------------
Pathianni a inkhawm a,
Tawngtai mai kha a tawk lo,
A taka taka thil tih a ngai asin.
-----------------------------------------------
Mi tute pawh,
An hmel lan dân atangin teh lo la.
Mit lawnga i hmuh theih miah loh,
An rilru suangtuahna ropui takte,
Thil tha leh dik an duh tlatna te,
Kawng dik zawh an tum tlatna te,
An chhungril nun kilkhawr berte,
Tlêm tal i hriatpui a nih si loh chuan.
-----------------------------------------------
Mi lunglêngte hnêm turin;
Mi lunglêngte bawk an tha.
Mi khawharte hnêm turin;
Mi khawharte bawk an tha.
-----------------------------------------------.
Min duh turin ka duh che a,
Min beisei turin ka beisei che a,
Min mamawh turin ka mamawh che a,
Min hmangaih turin ka hmangaih che asin..

Sunday, September 8, 2013

THU NAWI LAWRKHAWM


         Facebook lam hian hmun leh hun a luah tam ta viau mai si a, Facebook Timeline lamah thuthar a tam deuh. Ka Timeline a mi hetah hian kan dah lut ve leh ang e. (August leh September, 2013 a mi ṭhan khat chauh).

Rinngam i nihna hian,
Rinawmna hlutzia min zirtir a.
I thatna leh zahngaihna avang hian,
Ngaih thra takin ka awm  thrin.
Duhawmna leh thatna te hi,
Duh duha neih theih a ni ngawt lo,
Mahse nang chu i duhawm reng si.
____________________________

I ka a chuak 'Mangtha' hi a hlu bik a,
I aw in 'Mangtha' a tih ri hi
A mawi bik a ni tih hi,
A dawngtu i ni ve silo a;
I hre thiam ve ngai dawn lo a ni.
____________________________

Saltâng ni hauh si lovin;
Saltâng ang maiin ka awm fo thin.
Saltânna atà zalên turin;
Saltâng vêk rawn hauh suh.
____________________________

Duhthlanna dik siam turin;
Duhthusam kan neih a ngai.
Duhthusam thleng dik turin;
Duhthlanna dik kan siam a ngai.
____________________________

Nang vanga thutlukna ka siam tâk zozaite kha.
Nang vang vekin ka sut leh fo mai…
____________________________

I kiang ata ka kalsawn hian,
I lak ata ka hla ta tihna a ni lo a,
Ka taksa hi hla takah awm mahse,
Ka riltu ngaihtuahnate chu
I kiangah a awm reng si a.
____________________________

Ruahmanna i siampui theihloh nen,
Hlawhtlinna hmel hmuh dun in ring ngai suh.
____________________________

Ka rilru ngaihtuahna hi,
Ka taksa hian zui zel ta se,
I kiangah ka hun tamzawk
Ka hmang ngei ang le..:)
____________________________

In inhmangaih tawnna chu
Pangngai reng mahse;
In inkar thu erawh chu
A pang ngai reng hauh lo ang.
____________________________

I duh ber nen in inkar thu a pangngai reng a nih chuan, in inhmangaihna chuan a vawrtawp a la thleng loah ngai rawh.
____________________________

Khâng hun ka hriat reng fote kha,
Hun pawimawh bik a nih vâng a ni lo va,
Nangmah I tel ve vâng zawk a ni.
____________________________

...#.. a thlum ngaiin a la thlum a, a tui ngaiin ala tui reng a!..amah atanga ri lo chhuak reng reng lah chu hriat hrehawm leh bengchheng a awm lo, a hmelhmangte chu hmuhnawm a ni satliah lo, thlir zui vawng vawng loh theih a ni lo...  a pang mam thelh han mai leh no paw phiai maite chu min cho phur tur hrim hrim a a bika khuanu duan a ni nge.........!
____________________________

Harsatna tawk thin chuan,
Hun harsaah mai ni lo,
Hun hlimawmah pawh
Awmdan  a  thiam thin.
____________________________

Harsatna kan tawh thrinte hian,
Hun harsa leh hun hlimawm a lo thlen huna,
Lo  hmachhawn dan tur min hriattir si a...
____________________________

Harsatna tawk thrin lo ta ila chuan,
Hun hlimawmte  hi,
A hlutna ka hmu fiah thiam lo ang.
____________________________

Nui ila, lungrual ten,
Zai ila, rawl tawpin,
____________________________

Chhai ila, leng tuitir
Rim ila, zawlkhaw tleitir
Sawm ila, lungrual puian.
Tiam ila, kumtluang atan.
____________________________



Malsawmna kan dawng a,
Hlawhtlinna kan hmu a,
Ropuina kan chang a,
Hlimni kan hmanga,
Ka theihna a thleng emaw tiin,
Ka thiamna vâng emaw ka ti thin.
Mahse....
Hlawhchham nite lo thlengin,
Vanduainate tawh chang a,
Lungngaih ni a lo thlen hian,
I hnen chauh lo chu Lalpa,
Kalna tur ka hre si lo.
_______________________________

Thlir ve u maw saw ral saw,
Sawah sawah raltiang saw,
Mualtin tlangtin piah a saw.
A leng lalngovi an rûn a saw.
____________________________

En theh saw a chawnban saw
A mitmeng paw riaite pawh saw.
Rualtin khum a kimtlang saw,
Ka tana khuanu ruat a nih saw.
____________________________

Nang ngaih hi famchan phahna tur ni se chuan e, Ka ngai che tih tu'n an hre hman awm si lo.
____________________________

Awi ka rei, Zan a rei,
Duh ka nei, vei ka nei,
Theih ni se, rem ve se,
Her chhuak se, nui ve se,
Zan tin, ka tan leh a tan...:)
____________________________

Duat tur a ruat,
Mawi tura khuanu chawi,
Nui za tura suih lungrualpui,
Thai chang tura kan rûnsáng kai.
Lo ni la D en chin loh.....
____________________________

Nang vângin thu ka tiam a,
Nang vâng bawkin ka sûtleh a.
Nang vânga ka lungngaihin,
Nang bawkin min hnêm thin.
Nang vângin lungchhiain ka ṭap ṭhin,
Nang vâng bawkin ka bângleh thin.
____________________________

Kan tum láwk anga thil a awm loh hian, kan tum láwk loh anga awm a awl... Hahaa

Thursday, August 15, 2013

INDIA INDEPENDENCE DAY

India Independence day 2013 pualin, Independence Day
leh a kaihhnawih thil thleng titi -

1.    India Independence Day atan hian Indopui laia Tangrual pawl (Allied) laka Japan a tlawm champha vawi 2-na Ni chiah “15th August” chu Mountbatten a khan a thlang a ni.
    India Independence Day hi - N. Korea, S.Korea, Bahrain leh Rep of Congo ten an tawm ve bawk.

2.    India in zalenna (Independent) a hmuh ni khan Zalenna sualtu ber Pu Gandhi a chu Culcutta-ah a awm a. Chi(Hnam) hrang hrangte inngeih lohna leh initsikna nasa lutuk chu a do a, Inah Chaw ngheiin La kaiin, a tawngtai nileng.


3.    India Flag hi Pingali Venkayya chuan kum 1921 khan Bezwada-ah a siam. A tirah India rama chi tam ber 2 (Hindu, Muslim) te aiawh turin a Sen leh a Hringin a siam a. Gandhi a chuan Chi (community) dang zawngte aiawhtu turin Rawng Var a telh tir leh a ni.

4.    Khadi Development and Village Industries Commission chauh chu India Flag siam tura phalna pek a ni a. Kum 2008 atang khan Karnataka Khadi gramodyoga Samyukta sangha, Dharwad chu India Flag siamtu a ni ta a ni.
    India Flag hi Karnataka a an La chin thin lartak “Jayadhar” hmangin siam a ni thin a, mahse tunah chuan Tualchhung La chauh hmang lovin Bt Cotton hmangin an siam thin.

5.    National Flag hi 7th Aug, 1906 khan Parsee Bagan square, Culcutta-ah zar hmasak ber a ni.

6.    “Jana Gana Mana” hi Kum 1911 a ziah tawh mah nise, kum 1950 hma lam kha chuan National Anthem a hman a la ni lo.      


7.    Gandhi khan India Independent veleh Congress kha thiah a duh.

8.    India Independent veleh khan, Portugal chuan an Constitution siam tha ve nghalin, Goa chu Portuguese State-ah a puang ve nghal.

9.    India hi Sanskrit chuan “Bharat Ganarajya” ti a koh a ni a, hemi avang hian India chu Bharat tia koh a ni ta a ni. India tih hi tunhma atanga India mite lo khawsak reng tawhna Lui lian leh lar “Indus Lui” hming atanga lak a ni.



10.    India Prime Minister hmasaber Pu Nehru a chanchin Vogue Megazine in a chhuah a. A inthuamna danglam tak chu khaw thlang lamah a lar ta hle a. A Jacket (Single-breasted Jacket) phei chu an uar ta em em a. Zaithiam lar Beatles group ten an vawrh lar belhchhah a, khawvel ah a lar ta hle. Nehru-a Jacket hi “Time List of Global Fashion Statement”-ah ziahluh a ni ta hial a ni.

Wednesday, July 24, 2013

FULL MOON



          I’m sitting alone, staring at the window, hoping to see again the Moon.   

Full Moon on 22.007.2013 @ Aizawl, Camera : Nokia Lumia 800

           But it’s strange; the Moon that shining brightly in the sky, over Aizawl city has disappeared. Last night it was so big and bright, like a massive silver cheese. But now, it has gone and I don’t know where it gone! 

          Ooo, my blue Moon, I don’t want to lose you; I don’t want to let you go…! Please shine on for me, filled me. Please, be with me tonight…!

Full Moon 22.07.2013 @ Aizawl : Pic - Bsa Sailo

           Oh.. my beautiful blue Moon, won’t you please shine down on me, tonight!??!

Friday, July 19, 2013

TALIBAN-HO NGAMLOH "MALALA YOUSAFZAI"



              He Pakistan hmeichhe naupang kum 16 mi lek MALALA YOUSAFZAI hian khawvel ram hrang hrang, abik takin Afghanistan leh Pakistan ram naupang tam takin Zirna sikul an kal ve thei lo chu a vei hle a. Thuziak hmang ten theih tawp a chhuah a. Hetianga thuziak hmanga ṭan a lâk avang hian Taliban hoten an kap hlum ṭep a nih kha.


              Ni 12th July, 2013 khan Birthday vawi 16-na chu United Nation Organisation (UNO) chuan a lawm sak a, UN  hmaah, sawm a nih angin thu a sawi a,  "Naupangten zirna an neih theihnan ka bei zel ang', Taliban ten min kah kha chu ka nuna thil thleng pakhat ve mai a ni a, chuvangin 'Taliban in a kah Hmeichhe naupang kha' tia hriat zui ka duh lo va, 'A chanvo diktak nei tura bei ṭang ṭangtu Hmeichhe naupang' tia hriatzui ka duh a ni tiin UN hmaah a sawi.

              He a thusawinaah hian, 'tumah huat bik leh beih bik ka nei lo a, Taliban-te leh Terorist dangte laka phuba lakna atana lo ding chhuak pawh ka ni hek lo. Ka thupui chu "Naupangte, lehkha zir tura an dikna chanvo pek" chungchang hi a ni. Naupang zawng zawng, mifirfiakte tu leh fate zawng zawngte pawh huamin, Zirna sikul an kal hi ka duh ber chu a ni a, abik takin Taliban naupangte hi ka duhpui lehzual a ni'  tiin amah kap hliam tute pawh a duhsak thu a sawi.

              "Khawvel hmun tam takah, a bik takin Pakistan leh Afghanistan-ahte hian Rawlrala chetnate, Indonate, innghirnghonat  leh naupang te te Zirna sikul an tihtawp sakte avang hian naupang leh hmeichhiaten kan tuar em em a,"HETIANG INDONA HI KA KHAM TAWH TAKZET A NI" tiin hlauh nei miah lovin a sawi chhuak.


               He khawvel hi "Naupang pakhat, Zirtirtu pakhat, Pen pakhat leh Lehkhabu pakhat" hian a thlak danglam thei a, heng harsatna te hi tikiang tur chuan, Zirna hi a kawng awmchhun a ni.

                Nikum 9th October, 2012 khan Taliban hovin ka Bek vei lam (left side of forehead) ah min kâp a, ka thiante pawh an kâp bawk. Taliban ho hian "Silaimu hmang hian min ngawih tir theih an inring, mahse, an hlawhchham".

                Mi firfiak hote hian ka tum leh ka duhte hi min tihtawpsak theih an inring a ni mahna, mahse engmahin min dang dawn chuang lo."


                Tunah hian Malala kha ka la ni a, ka thil tum pawh a la ngai reng a, ka beisei pawh a la ngai reng a, ka duhthusâm pawh a la ngai reng e."

               Ka Lu a min kâp tu Taliban pa ngei pawh kha ka haw hran lo a, ka kutah silai hum ila, ka hmaah min kâptu kha rawn ding pawh nise, ka kâp ve lo ang." tiin he Pakistan naupang hian a rilru a sawi chhuak a, a ngaihsan awm tak zet.

               Ni 12th July kha a Birthday a nih angin UNO chuan a lawmsak a, khawvel ram hrang hrang atangin lawmpuitu leh lawmpuina thilpêk a dawng hnem hle.

               He Pakistan hmeichhe naupang hi zawng a danglam reuh em a ni, tunah chuan khawvelin a in duat rawn siak a ni ta ber e.


Saturday, June 15, 2013

YOUNG MIZO ASSOCIATION (YMA) LO PIAN DAN


(15th June, 2013 : YMA DAY PUAL)

       Young Mizo Association (YMA) chu “Politics rawngkai lo, tlawmngai pawl” a ni a, “TANPUI NGAITE TANPUI” tih chu a thuvawn ber a ni.

        YMA hi June 15, 1935
khan Kristian Missionaries te leh Mizo Kristian hmasa te khan an lo din a. Khang hunlai vel khan Mizoramah kristianna in nasa takin hma a sawn chak a, Zirna Sikul leh Biakin te a lo pung chho ve hret hret a. Mizo nunzia pawh a lo danglam a, Mizo hnam nun a hmun pawimawh tak luahtu Zawlbuk meuh pawh a lo chuai ta a.

       He Zawlbuk zet hi chu Sap Missionary te leh British India sorkar official te meuhte pawh khan a pawimawh na an hmu ve a, khawtlang tana a thawh hlawkzia an hria a, khatih laia Governor pawhin Zawlbuk chawhnun lehdan a ngaihtuah hial a ni, mahse, nunphung a lo danglam tawh si.
       Hengte a nih avang hian Kristian Missionary te leh Kohhran hruaitute khan Mizo hnam tana zirna Inpui, Ralven buk, kawng engkima Mizo hnam nun innghahna tih theih ZAWLBUK lo tawpta hmun ruak luah khat lehtu tur neih kha a tul takzet tih an hria a. 


Pic Courtesy : Misual.com.. and others


       Ni 3 June, 1935 khan Kristian Missonary Pi Zaii (Miss Katie Hughes) chenna Inah Zawlbuk hmun ruak hnawhkhattu tur Pawl din chungchang ngaihtuah a ni a “YOUNG MIZO KRISTIAN ASSOCIATION” tih chu pawl hming atana chhawpchhuah langsar tak a ni a. Mahse, Zorema Pa (Rev. David Edward) rawtna “YOUNG LUSHAI ASSOCIATION” tih chu a tha berah an pawm ta a, tichuan June Ni 15, 1935-ah khan hnathawk theiin YLA an lo din ta a

       India zalenna neih 1947 hnu khan Mizoramah thil danglam nasa tak a thleng ve zel a, Lushai tih aiin Mizo tih chu a tha tawh zawka ngaihna a awm a. Tichuan 7th October, 1947 khan “Young Lushai Association” tih chu “Young Mizo Association” tiin thlak a lo ni ta a ni. 

       YMA chuan thiltum leh a dinchhante:
       1.         Hunawl hman that
       2.         Zofate hmasawnna ngaihtuah 
       3.        Kristian nundan tha ngaihsan


       “Tanpui ngaite tanpui” tih thuvawn a neitu YMA hian nasa takin Mizo mipuite leh Mizoram tan hna a thawk tawh a, chawimawina pawh a lo dawng nual tawh a ni. Hruaitute inthlak ve thinin, Mizia leh tumdan, duhdan inanglo tak tak te pawh hruaitu lo ni thin tawh mahse, YMA chu a la ngai renga, Mizo mipuite leh Mizoram tan tun thlengin a la ding zel a ni.

 YMA VUL ZEL RAWH SE