Kan naupan ve deuh lai kha aw! ka ngaihtuah let neuh neuh hian ka ngai ve thrin khawp mai. Kan hmalam hun ngaihtuahin kan buai lova, Buhfai eitur kan nei nge nei lo tih pawh kan hre hek lo. Engang mi nge ka nih dawn tih pawh kan ngaihtuah ngai lem lo a nih kha! Masi dawna Kawrmawi "Kawrthar" kan neih kha chuan kan lawm ve em em thrin kha a nia.. in ni ve em aw?
Engmah hmasawnna lam ngaihtuah rual kan la ni lem lo bawka, rethei bakberh te mah ni ila, kan hawiher kha a a zang ve phian zel a. Kan Nu leh Pa te kha chuan engkim ti thei leh huai ber ah kan ngai deuh tawp mai a nih kha. Nuam thei khawp mai.
Primary sikul kan kal ve a, Uniform leh zirlaibu te kha kan U te hman hlui a ni deuh vek zel a, a rawng te kha a da thei thrin khawp mai. A rawng pawl tur te kha a in ang lo nuaih zel a nih kha. Chawlhkar tawp lam, zirtawpni hi "Games Ni" kan ti thrin a. Sikul naupang te kha Football leh Intlansiak, eng eng emaw kha kan ti ve thrin a.. Kan va hlim thei tak em aw! Mipa zinga a te deuh nih kha chu a nuam vak lo.. Football pet naah te khan Hmeichhe lian ho nen min khelh tir thrin.. Mipa rilru atang chuan, a nuam vak lo.. kan hneh ngai chiah chuang lo na a.
Khang hunlai a thil lar ve tak chu TUITHAK kha a ni. Hmeichhe ho in Bottle te deuh ah an rawn pai thrin a. A bawlhlo lah kha a tam lem lo - Tui, Chi, Hmarcha te kha a ni deuh mai a. A changkang deuh te khan Aieng kha an telh thrin a.. Siam harsa tak ni lo mahse, a hlu thei thrin khawp mai. Kan rualpui hmeichhia te ta kha insak kan han tuma, an phal lo chung te kha kan dil ve ngat ngat zel.
Khang hunlaia TUITHAK hlut dan kha aw.. Luck leh luck loh te pawh a hril pha hial in ka hre leh hnuhnawh thrin. Mipa leh hmeichhia nanana chu kan in endan a lo danglam deuh a.. Hmeichhe thenkhat te kha chuan pek phal bik te pawh an nei thrin a. Kha tiang dawng pha bik nih kha chu a nuam ve veng veng thrin. A dahna bur Bottle neih te phawh kha tunlai ang chuan a la awlai lem lo. Bottle mai mai pawh kha vang tak a ni. Keini khua ve kha chu VAI (CRPF a hnu ah Assam Rifle) Camp kha a awm a, an paih leh an hnen atanga an neih te pawh kha a ni hlawm ang.
VAI sawi takah chuan, khang hun lai khan VAI ho chaw ei tur kha Helicopter hmang khan an rawn thlak thrin a. Naupang ho kha kan lo phusa ve vak zel a, Tel leh Ghiu an rawn thlak trum phei chuan, kan mawm haw ve hluam zel. Sikul class chhunga awm lai a Helicopter a rawn thlawh tawh chuan Teacher hnena phalna lak a ngai lo, Helicopter ri kha chhuah phalna dar a ni tawp.. Kan tlan chhuak a, kan bye bye liam vawn vawn thrin a. Vai Lal te an lo trum dawn phei chuan, a trumna turah kan lo hmuak ve tawp zel.. nuam ve tak a ni.
Khang VAI ho Damdawi bur leh eng eng emaw bur ruak "Bottle" ngei mai kha kan silfai thrin TUITHAK siam/pai nan chuan hmeichhe ho khan an hmang thrin a nih kha. Khang hun laia TUITHAK hlut dan kha, tunlai huna PEPSI, Coca cola, Lasi tih vel hlutdan nen a khai khin pawhin,, a hunlai nanana kha chuan, a nep bik chuang hauh lovang..
Tuithak kha chu lo tui ve reuh em bawk a ni.
Engmah hmasawnna lam ngaihtuah rual kan la ni lem lo bawka, rethei bakberh te mah ni ila, kan hawiher kha a a zang ve phian zel a. Kan Nu leh Pa te kha chuan engkim ti thei leh huai ber ah kan ngai deuh tawp mai a nih kha. Nuam thei khawp mai.
Primary sikul kan kal ve a, Uniform leh zirlaibu te kha kan U te hman hlui a ni deuh vek zel a, a rawng te kha a da thei thrin khawp mai. A rawng pawl tur te kha a in ang lo nuaih zel a nih kha. Chawlhkar tawp lam, zirtawpni hi "Games Ni" kan ti thrin a. Sikul naupang te kha Football leh Intlansiak, eng eng emaw kha kan ti ve thrin a.. Kan va hlim thei tak em aw! Mipa zinga a te deuh nih kha chu a nuam vak lo.. Football pet naah te khan Hmeichhe lian ho nen min khelh tir thrin.. Mipa rilru atang chuan, a nuam vak lo.. kan hneh ngai chiah chuang lo na a.
Khang hunlai a thil lar ve tak chu TUITHAK kha a ni. Hmeichhe ho in Bottle te deuh ah an rawn pai thrin a. A bawlhlo lah kha a tam lem lo - Tui, Chi, Hmarcha te kha a ni deuh mai a. A changkang deuh te khan Aieng kha an telh thrin a.. Siam harsa tak ni lo mahse, a hlu thei thrin khawp mai. Kan rualpui hmeichhia te ta kha insak kan han tuma, an phal lo chung te kha kan dil ve ngat ngat zel.
Khang hunlaia TUITHAK hlut dan kha aw.. Luck leh luck loh te pawh a hril pha hial in ka hre leh hnuhnawh thrin. Mipa leh hmeichhia nanana chu kan in endan a lo danglam deuh a.. Hmeichhe thenkhat te kha chuan pek phal bik te pawh an nei thrin a. Kha tiang dawng pha bik nih kha chu a nuam ve veng veng thrin. A dahna bur Bottle neih te phawh kha tunlai ang chuan a la awlai lem lo. Bottle mai mai pawh kha vang tak a ni. Keini khua ve kha chu VAI (CRPF a hnu ah Assam Rifle) Camp kha a awm a, an paih leh an hnen atanga an neih te pawh kha a ni hlawm ang.
VAI sawi takah chuan, khang hun lai khan VAI ho chaw ei tur kha Helicopter hmang khan an rawn thlak thrin a. Naupang ho kha kan lo phusa ve vak zel a, Tel leh Ghiu an rawn thlak trum phei chuan, kan mawm haw ve hluam zel. Sikul class chhunga awm lai a Helicopter a rawn thlawh tawh chuan Teacher hnena phalna lak a ngai lo, Helicopter ri kha chhuah phalna dar a ni tawp.. Kan tlan chhuak a, kan bye bye liam vawn vawn thrin a. Vai Lal te an lo trum dawn phei chuan, a trumna turah kan lo hmuak ve tawp zel.. nuam ve tak a ni.
Khang VAI ho Damdawi bur leh eng eng emaw bur ruak "Bottle" ngei mai kha kan silfai thrin TUITHAK siam/pai nan chuan hmeichhe ho khan an hmang thrin a nih kha. Khang hun laia TUITHAK hlut dan kha, tunlai huna PEPSI, Coca cola, Lasi tih vel hlutdan nen a khai khin pawhin,, a hunlai nanana kha chuan, a nep bik chuang hauh lovang..
Tuithak kha chu lo tui ve reuh em bawk a ni.
I thil rawn ziah mai mai chuh! Lung a tileng hle mai. Kan tuithak pai lai te, kan chithak liah lai te ka hrechhuak uai uai mai.
ReplyDelete@TS - i rawn lengluta ka lawm hle mai.. Tuithak i hre ve maw..? Lunglenthlak ve mai mai ti raw?
ReplyDeletetr, thr.. Hman chingho hi.. A chhiartu turte hi min va ngai mawl em em ve.. ka ti thin. T- pangngai pawh hmang la, kan chhiar thiam vek. I duhkhawp ngang lo a nih pawn mizo font tam tak a awm.
ReplyDelete@ Samuel ralte : I sawi dik khawp mai.. Tr/Thr hi hman tawhloh ka duh a, ka lo hmang ngun lutuka; ka lo hmang leh thin. Rawtna tha tak a ni e.I rawtna hi zawm ka lo tum ang e.
ReplyDeleteI va tilunglenthlak ve, tuithak chhin khat kha lehkha phek khatin kan thlengtir thin a, kan neih loh tum khan mi dang ta kan thleng ve leh thin. Thei thur telh phei kha chu a to deuh bik lehnghal.
ReplyDeleteGame ni a hmeichhe khelh mawlh khi.. keini pawhin kan khel ve nasa thin mawle, kan hneh ngai lo lehnghal he he
@ triplestar : Chuti ve bawk maw!?? Mipa te hovin,hmeichhe lian kan khel a.. kanhneh loh phei chuan a hrehawm duh ve ti raw.
ReplyDeleteTuithak hi chu khawi hmunah pawh hian an lo uar ve a nih dawn hi aaa!!