My MOTHER

Mom,
You have been gone for many years, but thinking of you all the time. If I could have one more day with you, I would let you know how much I love you. I would tell you about the great memories I have of you...

 

My Mom's Tomb

I am saddened by your passing... But I believe in heaven, I believe that you are in heaven, watching my every move, keeping me safe & not suffering any longer and I’m grateful for that.

...Not a day goes by that you aren't remembered. Not a day goes by that I don't miss you. You are the wind beneath our wings.

Hope to see you in heaven.

HRING NUN - SIR LEHLAM ATANGIN

Thawveng tak anga lang, mahse chhungril nun a ipik ru tak si;
Tlei tak anga langa, mahse chhungril nun khawhar ru tak si;
Hlim tak anga langa, mahse, chhungril nun hlim tak tak si lo;
Thiamlohna nei lo anga langa, mahse, veizui reng nei tlat si.
Mahni thutlukna anga awm ni reng si, mahse lungawi si lo.
Ngaih tur em em nei si lo, mahse, lunglêng tlat si.
Rualkawm thiam tak anga lang, mahse, mal ngawih ngawih a in hre si,
Dan bawh chhe si lo, mahse, chhungrila inthiamlohrukna nei tlat si..

Hringnun hi a lo va mak ngai em!!!
Keimah kha keimah ka ni lo ta em ni.
Keimah hi keimah ka ni tawh lo em ni.?!!

HRINGHNUN ZINKAWNGAH HIAN??

He kan hringnun zinkawngah hian -

kan zawh lam kawng hi keimahni thlan a ni chiah em?
Kan hun tawn mêk hi keimahni ruahman lawk a ni chiah em?
Tûna kan awmdân hi kan tum lawk dan a ni chiah em?

Hlimna te, ropuinate, hausaknate etc hi neih duhlo tunge awm ang le! Hun harsa leh hrehawm - natnate, thihna te, lungngaihna te hi pumpelh duhlo tunge awm ang le?

Mahse, a lo thleng miau si...!!

Ṭhenkhat eitur nei lova, rilṭama an rûm mek laiin, ṭhenkhat chuan ei sen loh an nei bawk si. Thenkhat hlim leh lawm taka an lam mek laiin, Thenkhat ṭapin an rum vawng vawng bawk si !

Engnge a chhan tih chu, engkim chunga roreltu chauh lo chuan a hre si lo.

BEAUTIFUL DAY - SUNRISE

Vanrâng chhum chichiai khian,
An mawi mange kan zawlkhawpui hi,
Lung ti leng tin kim ka dawn in,
Thlir ve ang maw kei ka D ve khan..

Beautiful Morning @ Aizawl on 6th Sept, 2012 ( Camera : Nokia Lumia 800

Saturday Sunrise @ Aizawl  on 8.9.2012

Saturday Sunrise @ Aizawl, on 8.9.2012 ( Camera : Nokia Windows Phone : Lumia 800)

SUNRISE 29.08.2012 @ AIZAWL

Beautiful Sunrise on 29.08.2012. View from Tuikhuahtlang, Aizawl, Mizoram.

SUN RISE IN MIZORFAM : 25.08.2012

   Tukin 25.08.2012 Ni chhuak chu a mawi danglam khawp mai. Nieng mawi tak leh khaw thiang nuam tak te, van boruak thiang tak te hi a hmuhnawm mai a ni lova, an hlu hliah hliah a ni. Mizoram a cheng te kan vannei teh e.

Picture : 25.08.2012 (Saturday) Sun rise : with NOKIA Lumia 800 (Windows phone) 

View from Tuikhuahtlang.

KEIMAHAH HIAN ENGNGE DIK LO AWM LE?

Tanpui ka ngai a, mahse ṭanpui ka duh bawk si lo.

Thil engkim hriat ka duh a, mahse chu’ng chu ka bihruksan leh bawk si

Thiamthil te pawh nei ve tawkah ka inngai a, mahse hmantlakloh ang hiala inngaihna ka nei bawk si.

Min hmangaihtu ka tawng ni ten ka hria a, mahse ka mal ngawih ngawih bawk si.

Hmeltha lo, pianphung mawi lo tak ni tein ka in hria a, mahse nalh ka tum chuang si lo.

Hlauthawng reng rengin hun ka hmanga, mahse engmah hlauh ka nei tak tak si lo.

Tawng bawrh bawrh te hian min ti nuam deuh sawtin ka hria a, mahse a daih rei lo tih ka hre bawk si.

Sual leh diklo riauva inngaihna te ka nei a, mahse engmah thil tihsual ka nei bawk si lo.

Keimah ah hian engnge dik lo tih ka zawn lahin, mihring inchhir leh lungngai te bak ka hmu si lo.

Midang te tanpui ka duh a, mahse keimah leh keimah pawh ka inpui thei  si lo.

Engnge keimahah hian diklo leh fello awm ta mai le?

A TRIP TO VANZAU @ CHALFIH

Ni 29th December, 2011 khan ṭhian hovin Vanzau, Chalfilh tlang nuam tak chu kan tlawh ve.

He lai hmun hi a nuam khawp mai, mahse, ramngaw leh nungcha te hi humhalh tlat ni se, a tlang chhip kawngpuiin a tlawh bak hi chu Motor kawng sial vak vak lem lo se a ṭha zawk mai thei. Motor kawngpui a awm ṭhat hi chuan, in vensen a har si a, Ramngaw te hi a chereu mai ang tih a hlauhawm.

A hmun a nuam a, khaw thlir nan pawh a rem ngang mai. Vanzau tih takah, kan thawveng halh mai. Nuam tak a ni.

Thlalak pawh a nalh duh khawp mai, thlasik lai phei chuan Van a lang pawl ruih mai bawk si, kan Zoram mawi zia a lang chiang a, siamtu kutchhuak hlutzia kan hre thar leh lo thei lo.

Vanzau tak mai han thlen chuan, hah a dam sawng sawng mai a, han ṭhut vel pawh a nuamin, a remchang hle mai.

Vanzau tih takah, van chung sâng taka awm ang maiin, engmah chuan min hliah pha lo emaw tih tur a ni a. A va nuam em! Mizoram hmun hrang hrang, mual hrang hrang, tlang mawi tak tak - Mawmrang tlang, Hmuifangtlang etc te a lang ruih mai..

Kan kal hun 29.12.2011 (December) hi a lo fuh khawp mai, nuam tak a ni. (with Rova, Tlani, PB Nghahei & Me)

NATIONAL WORKSHOP ON GREEN REVOLUTION IN MIZORAM

3 Days National Workshop on Green Revolution in Mizoram 

@ Art & Culture Auditorium, Berawtlang, Aizawl, Mizoram 

During 20th - 22nd June, 2012.

 Photo : Left to right = Dr. Sachin Narwadiya -Scientist B (Vigyan Prasar, Ministry of Science & Technology); Keimah (Kuthnathawk); Prof P.S. R.amakrishnan - Emeritus Scientist (FNA, FASc, FNAAS, FTWAS, Hon. Fellow, Assoc. for Trop. Biol. & Conservation, USA, Indain Natl, Science Academy Honorary Senior Scientist. School of Environmental science, Jowaharlal Nehru University, New Delhi); Dr. Vijoo Krishnan (Jt.Secretary, All India Kisan Sabha); N. Lalzova, Lawngtlai.

 Photo : Left to right = Me (Kuthnathawk); Prof P.S. R.amakrishnan - Emeritus Scientist (FNA, FASc, FNAAS, FTWAS, Hon. Fellow, Assoc. for Trop. Biol. & Conservation, USA, Indain Natl, Science Academy Honorary Senior Scientist. School of Environmental science, Jowaharlal Nehru University, New Delhi); Dr. Vijoo Krishnan (Jt.Secretary, All India Kisan Sabha).

Photo : Left to right = Me (Kuthnathawk); Dr. A.K. Singh (Central Institute of Horticulture, Govt of India, Medziphema, Nagaland)

  Photo : Left to right = Me (Kuthnathawk); Dr Chawngkhuma Chawngthu - (Saiha College, Saiha)

                                                                          

LALRUANGA TUI THUHRUK

             Lalruanga tui thuhruk hi Mawmrang tlang tlak lam kham pang, Phullen ram lamah hnar neiin  kawrpui thuktak a ni a, he kawrah hian lengkir sâng tak tak a tam hle. Ṭhâl lai chuan he kawrtui hi a kangchat ṭhin a Amaherawh chu, he kawra lungpui liantak hnuai pûkah hian engtik lai maha kang ve ngai lo tuikhur te reuh te, tui tui leh fimtha êm êm mai engtik laia hiah nge tih pawh hriat loh biru em em si a awm a, he tui hi pi leh pute hunlai atang a Lalruanga tui thuhruk an lo tih ṭhin a ni.


               Sailo Lal Awksarala (Phullen Lal) leh a hote, Pawlrâng ramah ramvakin an kal a, hetih hunlai hi thalvaekchar lai tak mai a nih avangin leh khua a ro êm avângin Lalpa Awksarala chu a tui a hâl ta hle mai a. A hote chuan Lalruanga tui thuhruk chu an zuk chawi dawn a, mau leh rua tui chawina tur a wm mai loh avangin Lal silai (Laiphir) chuan tui an chawi ta a, chuvâng chuan Laiphir tui tiin an sawi ta a, a lui pawh Laiphir lui tih a ni ta zel a ni.

Picture : Lalruânga Tuithuhrûk : Photo :  Vanthuamphuia

               He Tui "Lalruanga Tuithuhrûk"  hi Phullen ram chhung, Mawmrâng Tlâng bulṭhut a awm a ni a. Phullen atangin awlsam taka kal mai theih a ni a. A bul vel hi Mawmrang Tlâng / Khâm chhengchhe pui pui leh, ram ngaw nuam tak te a ni hlawma, fan tham tak a ni a. A awmna atanga hla vak lovah hian Thado Lal Siakzapauva in kulhna ṭhin "SIAKZAPAUVA HMUN" an tih mai, hmân lai a Siakzapauva lo awm tawhna hmun a awm a, chu Siakzapauva Hmun chu khâm chheng chhia leh chhawrdawh takin a hual vel a, kal khân a awm tlem hle a. Siakzapauva pawhin a him tawk hle in a hria a, "Vana arsi tuman an hawl thla thei love.." tiin a ṭawng uang hle a. A inthlah dul deuh nge ni, Sailo lal Lalsavunga chuan Aizawl atangin a rawn hneh ta tho a ni.
             
              Hêng te avang pawh hian Lalruanga Tui thuhruk hi tlawh a manhla hle a ni. He thlalak hi Pu Vanthuampuia Phullen in a hmun a han tlawh ṭuma a lâk a ni.

{Source : (1) Phullen Ram @ Harhfim-II (Phullen Dry Village Silver Jubilee Souvenir) a Pu Lalsângzuala ziak. (2). Pu Vanthuampuia titi }

Eiffel Tower : Mizopa sak vs Sappa sak

                                  

PATHIAN LEH NAUSEN IN BIAKNA (Mother’s Day Pual) :

Nausen chuan Pathian hnenah, “Naktukah Lei (earth) ah min thawn thla dawn an tia, engtin nge chutiang hmun cheplutuk  leh khawsak harsatna hmunah te ka dam khawchhuah theih ang?”

Pathian: “I Vantirhkoh in a lo hmuak ang che a, a lo enkawl dawn che a lawm.”

 Nausen: “Nih leh tinge, Vanramah hian kan hlimna tura zai leh nuih bak engmah tihtur ka nei ngai chuang si lova?” tiin a zawt chik leh deuh a.

Pathian: “ I Vantirhkoh chu I tan a zai anga, I tan a nui dawn a ni. I Vantirhkoh hmangaihna I dawng anga I hlim em em dawn a ni.”

Nausen: “Mihring te trawng ka thiam si lova, engtin nge min biakna te ka hriat thiam theih ang” a tiin a zawt leh a.

Pathian : “I Vantirhkoh chuan I hriat reng tawh tur, tawng mawi leh nalh em em mai chu, zaidam tak leh duat takin hrilh dawn che a, Trawng dan pawh a zirtir dawn che a ni.”

Nausen: “A nih leh Nang ka biak duh hunah che engtin nge ka tih tak ang.”

Pathian : “I Vantirhkoh chuan I kutphah pahnih insi in a dah anga, tawngtai dan a zirtir dawn che a ni.”

 
Nausen: “Tunge min veng ta ang?”

Pathian: “I Vantirhkoh in, Nunna pawh chan huamin, a veng tlat dawn che a ni.”

Nausen: “Mahse, ka hmu tawh dawn si lo che a, ka lungngai reng tawh dawn a nih chu.”

Pathian: “I Vantirhkoh chuan ka chanchin a hrilh reng thrin dawn che a, ka hnena I lo kir leh theih dan tur pawh a hrilh dawn che a ni.” a ti a.

Chutia an inbiak lai chuan Vanram ah chuan thlamuanna leh inremna ropui tak a lo awm a. Mahse Lei (Earth) atang chuan Nausen awrawl an hreta a, hmanhmawh tak chung chuan,

Nausen: “Lalpa Pathian, Tunah Leiah ka kal dawn a nih chuan tunge ka Vantirhkoh hming chu min hrilh thei em.” a ti a.

Pathian chuan, “KA “NU”  TIIN I KO MAI DAWN NIA.” a ti a.

Kan Nu te hi an va hlu tak em. Nu leh Pa te I duat thiam ang u. 

( He thu hi keima phuah ni lovin, mi ziahsa ka lehlin chawp a ni e - Buata)

INDIAN KAN NI CHIAH EM?

Khawvel hmun  hrang hrangah, mi chi hrang hrang kan awm a. Kan awmna ram leh hmun te chuan hming a nei a; chu rama awm te chuan an awmna ram leh hmun te chu a hming an vuah kan ti thei bawk.. Mitin hian 'ram leh hnam' kan nei vek awm e. American, Chinese, Japanese, English, Russian, Indian etc. a kan tam mai.

Kei pawh hi Chinlung chhuak ka ni ti mah ila, India ramah kan tlukluh atang kha chuan Indian ka ni ve ta mai chu a nia. Ka hmel leh pianhmang, ka sam, hnar, ngal, mit leh ka vun rawng te mai bakah ka mizia te phei hi chuan India rama cheng tamber "Vai" kan tih mai te hi chu a ang mawlh lo. Hemi ka sawi theihna chhan chu, Indian ka nih ringlo tu ka tawng ve nual tawh tlat a. Chutianga Indian ka nih ringlo tu te chu ka Indian pui te an ni tlat.

Mahni sum seng lemlo leh mahni sum seng te pawhin India ram hmun engemaw zat ka tlawh kual ve tawh a, Indian ka nih leh nihloh chungchanga ka thil tawn tlem te kan titi pui ve mai mai teh ang..

Kum 2002 vel khan Jaipur ah ka bazar naah Indian ka nih an ring lo tlat a, "Mizo ka ni, Mizoram atanga lo kal ka ni e" ka tih paw'n awihlo tawk an awm a, "In ram pawisa ka lo en" min ti leh a. Ka'n phawrh chuan mak an ti ve deuh a. Hemi truma ka huat em em chu, mi pangngai awm tak a ka ngaih ten Mizoram awmna an hre lo lah tlat thrin hi a ni. Keini te chuan Middle sikul kal chin chuan kan India ram state te hi chu kan hre hle thrin kha a ni sia. Ka thin a rim tlat zel.

Kum 2009 khan Valsad -Gujarat ah Local train a ka chuan naah tlangval ho chuan Indian ka nih leh nihloh min zawt a, ka nih ve ngei thu ka a ka chhan chuan pawm harsa an ti deuh tih chu an hmelah a lang. A hnu deuhah chuan "a nih leh Indian i nih chuan Sachin Tendulkar i hria em? " min ti a. Ka lo hre ve nual a - Sachin Tendulkar bakah, Ganguli, Rahul Dravid, Kumble, I Pathan, M Kaif, Harbajan ...etc te chu kan sawi ve zat zat hnu ah chuan Indian ah chuan min pawm ve thei hram nia. Buaina a chhuak lo hlauh. Mahse Mizoram awmna chu in hrilh fiah ngial a ngai a, Mizoram awmna hre lo khawpa mawl, inti vei fu si an lo awm fo mai hian ka thin a ti rim tlat zel.

Kumin 2012 kumtir khan Tamilnadu ah Restaurant a kan chawlhna pa chu a in la ve khawp mai, a hawi her pawh a changkang ve viau.. mahse khawilam mi nge kan nih a hre mai lo a "Mizoram atanga lo kal ka nia" ka tia, ka thianpa Tonia Langkam chuan "Kei chu Arunachal Pradesh lam mi ka ni e" a ti a. Mizoram leh AP awmna a hriat loh thu leh Mizoram pawh chu a awm tih a chian vak loh thu an sawi chiah mai chu ka ngaihdan a ni ta lo a "Kan ramah ve chuan Sikul naupang te chuan India ram state hrang hrang te hi kan hre chiang ve viau a sin.... .., hetia Mainland lama khawsa ten min hre ve lo lutuk hi a lawm Indian nih a nawmloh na chu..." ka tia, ka ankhum ta chiam a. A lo zaidam ve hlauh a, engtinmah chuan min ti let lem lo a.

Lehkha pawh zir lem lo, kutdawh leh mi hnuaihnung tak tak ten Mizoram an hre lo hi chu ka hre thiam a, mahse mi pangngai ve tak tak ten Mizoram an hre lo fo mai te( Mizoram hria pawh an awm treuh tho naa), India ram mi anga min ngai lem lo, Foreigner anga min ngai tlat mai te an awm fo mai hi a chang chuan a ninawm khawp mai. Han inti Indian viau dawn thrin mah ila, a harsa lek lek thrin. NE mi hrim hrim ngaisang vak lo tawk te, Nepali emaw min ti tawk te lah bo lo. Heng bakah hian hmun dang dangah pawh danglam taka dawnsan hlawh chang kei ngei pawh hian ka tawng fo mai.

Hetianga kan Indian pui te ngeiin mi hrang hmuha min hmuh tlat avang te, foreigner anga min ngaih tlat fo avang te, hnam hnuaihnung tak anga min hmu a, min en hniam fo mai thrin hi chu pawm a har thrin. Kan rilru a lo lian ve si a. Tribal - hnam hnuai hnung ni mah ila, kan rilru leh hawiher ah hian kan indahsang ve bawk si. India ramah hian kan duh chiah vanga lut kan ni lova hriatna kan thinlungah hian a lo awm ve reng bawk si nen.

Political lam hawi ni lem lo, hmasawnna in min chawikan ve vak lemloh avang pawh ni lo.. kan hmel leh mizia danglam tak avang te, kan Indian pui te min thlir dan leh hmuh dan avang te, a chang phei chuan HMUSIT ang lek leka min hmuh avang te leh chhan dang tam tak avang te hian "INDIAN KA NI CHIAH EM AW?.. INDIAN KAN NI TAK TAK THEI DAWN LO A NIH HI" tih chang ka nei fo.. Tun thleng hian..!

"TUI-THAK" HUNLAI KHA:

Kan naupan ve deuh lai kha aw! ka ngaihtuah let neuh neuh hian ka ngai ve thrin khawp mai. Kan hmalam hun ngaihtuahin kan buai lova, Buhfai eitur kan nei nge nei lo tih pawh kan hre hek lo. Engang mi nge ka nih dawn tih pawh kan ngaihtuah ngai lem lo a nih kha! Masi dawna Kawrmawi "Kawrthar" kan neih kha chuan kan lawm ve em em thrin kha a nia.. in ni ve em aw?

Engmah hmasawnna lam ngaihtuah rual kan la ni lem lo bawka, rethei bakberh te mah ni ila, kan hawiher kha a a zang ve phian zel a. Kan Nu leh Pa te kha chuan engkim ti thei leh huai ber ah kan ngai deuh tawp mai a nih kha. Nuam thei khawp mai.

Primary sikul kan kal ve a, Uniform leh zirlaibu te kha kan U te hman hlui a ni deuh vek zel a, a rawng te kha a da thei thrin khawp mai. A rawng pawl tur te kha a in ang lo nuaih zel a nih kha. Chawlhkar tawp lam, zirtawpni hi "Games Ni" kan ti thrin a. Sikul naupang te kha Football leh Intlansiak, eng eng emaw kha kan ti ve thrin a.. Kan va hlim thei tak em aw! Mipa zinga a te deuh nih kha chu a nuam vak lo.. Football pet naah te khan Hmeichhe lian ho nen min khelh tir thrin.. Mipa rilru atang chuan, a nuam vak lo.. kan hneh ngai chiah chuang lo na a.

Khang hunlai a thil lar ve tak chu TUITHAK kha a ni. Hmeichhe ho in Bottle te deuh ah an rawn pai thrin a. A bawlhlo lah kha a tam lem lo - Tui, Chi, Hmarcha te kha a ni deuh mai a. A changkang deuh te khan Aieng kha an telh thrin a.. Siam harsa tak ni lo mahse, a hlu thei thrin khawp mai. Kan rualpui hmeichhia te ta kha insak kan han tuma, an phal lo chung te kha kan dil ve ngat ngat zel.

Khang hunlaia TUITHAK hlut dan kha aw.. Luck leh luck loh te pawh a hril pha hial in ka hre leh hnuhnawh thrin. Mipa  leh hmeichhia nanana chu kan in endan a lo danglam deuh a.. Hmeichhe thenkhat te kha chuan pek phal bik te pawh an nei thrin a. Kha tiang dawng pha bik nih kha chu a nuam ve veng veng thrin. A dahna bur Bottle neih te phawh kha tunlai ang chuan a la awlai lem lo. Bottle mai mai pawh kha vang tak a ni. Keini khua ve kha chu VAI (CRPF a hnu ah Assam Rifle) Camp kha a awm a, an paih leh an hnen atanga an neih te pawh kha a ni hlawm ang.

VAI sawi takah chuan, khang hun lai khan VAI ho chaw ei tur kha Helicopter hmang khan an rawn thlak thrin a. Naupang ho kha kan lo phusa ve vak zel a, Tel leh Ghiu an rawn thlak trum phei chuan, kan mawm haw ve hluam zel. Sikul class chhunga awm lai a Helicopter a rawn thlawh tawh chuan Teacher hnena phalna lak a ngai lo, Helicopter ri kha chhuah phalna dar a ni tawp.. Kan tlan chhuak a, kan bye bye liam vawn vawn thrin a. Vai Lal te an lo trum dawn phei chuan, a trumna turah kan lo hmuak ve tawp zel.. nuam ve tak a ni.

Khang VAI ho Damdawi bur leh eng eng emaw bur ruak "Bottle" ngei mai kha kan silfai thrin TUITHAK siam/pai nan chuan hmeichhe ho khan an hmang thrin a nih kha. Khang hun laia TUITHAK hlut dan kha, tunlai huna PEPSI, Coca cola, Lasi tih vel hlutdan nen a khai khin pawhin,, a hunlai nanana kha chuan, a nep bik chuang hauh lovang..

Tuithak kha chu lo tui ve reuh em bawk a ni.

KHANDAIH HARHNA & SANGHA TLANG VUAK

(Ni 6.4.2012 a Facebook group pakhata ka post a nia,, ti danglam vak lovin kan post ve ang e., Vawiin  tih pawh hi a dik tawh lo.- Buata bawihtlung)


        Vawiin ni 6.4.2012 (Zirtawpni) hi Khandaih khaw pa hoin zan 3 riaka Tuivai a “Sangha tlangvuak” nei tura an kal chhuah ni champha vawi 106 –na a ni. Sangha Tlangvuak naa harhna lo thleng “KHANDAIH HARHNA” an tih mai thin kha he Sangha Tlangvuak trum a lo thleng hi a nih avangin “ Khandaih Harhna” champha vawi 106 –na (Kum 106 na) a ni thei bawk.

        Thlarau thianghlim Harna lo intan ni tak hi chu Sangha vua a an ram riah ni 3-na Ni.8.4.1906 (Pathianni) a thleng a ni a. A champha, Ni dik tak chu April Ni 8 (Sunday) hi a ni. Mahse, vawiin hi an bul tan ni a nih avangin vawiin hian ka rawn tarlang ta mai a ni e.

        Dt. 6.4.1906 (Friday) khan khandaih pa ho chu Tuivaiah Sangha Tlangvuak turin an kal chhuak a, a ni thum ni - dt. 8.4.1906 (Pathianni) chuan mak tak main an chungah chuan thil a lo thleng ta a. Sangha dap a an buai mup mup mek lai chuan Hnuneka chu Phuaibuang ram lam Lui kamah thru chung hian a lo zai a “ Tunge lo leng Leiah hian, Lal Isua chhandamtu..”  tih hla a lo sa a. A chang leh a phun mawlh mawlh a.. “Kei chu Isua lamah ka trang, Nang ni chu Setana’n a vel che u.., kha kha a kal hual che u” a ti a. Sangha man a an buai lai leh an in duhthawh lai a ni a, an ngaihdan pawh a ni vak lo awm e. Valupa te chuan ‘In lamah hawnpui a, KHALPUI a thawi a ngai a nih hi’ an ti a. Hawpui tur chuan an in ti a, mahse an va en leh chuan Tuivai kam, a awm lohna lam pangah khan a lo awm leh daih tawh mai a. Tuihleuh a thiam si lova, engtin nge chu Li / Lui lian tak chu a kal kai hria reng reng an awm lo.

     Phunglama, Papuia leh Chawngkhunga ten In lamah an hawpui ta a, hla lo te an thlen chuan “chawl ila  ‘Lo trang ru, ka lo kal dawn e Lalin a tih chu’ tih hla kha i sa ang u” a ti a. An zai a, an trawngtrai bawk a. An trawngtai lai chuan Lung thril a vawm er er ang ri hi an hria a, a hnu ah chuan Vapual thlawk ri ang chuan a rawn ri leh huau bawk a. Hnuneka chuan “ka harh ta e, I kir ang u” a ti a, Sangha vuakna ah chuan an kir pui leh ta a.

      He thil thlenni hi 8.4.1906 Pathianni a nih avang chuan Hnuneka te chuan an Serh ta a, Pathian hla sa in an lam a, Sangha pawh an dap ve ta lo a. Pathian thu awih ve lo te mit a kham ta a. “Pathianni in Sangha ka dap thei lo te an ti vel a, Pathian thu awih ho khan a hranin an chan tur an dap anga, ‘Sawng’ a hranin siam rawh se”, an ti ta a.

       A tuk Ni 9.4.1906 (Monday) a lo thlen chuan Pathian thu awihlo ho Sangha dap na hnu ah chuan Pathian thu awih ho chuan an dap ve leh a, Sangha chu an man ta treuh mai a. An sangha man pawh chu an vai chuan an insem tlang leh ta zawk a. Hemi ni 9.4.1906 (Thawhtan) ni ah chiah hian Aizawl lamah harhna hnathawh a lo lang ve chiah a. Harhna chhim tur a Moiranga Khasi Assembly a kal te, Chhimlam a haw tur Aizawl ah an thlah a. Harhna chhim a Moiranga an kal haw atanga Thlarau Thianghlim hnathawh lang chhuak miah lo kha, Moirang a kal te hian nuam lo an ti lek lek a ni awm e. Mahse, hetia chhimlam haw tur an thlah hi an zai tawp mai thei ta lo va. Thlarau Thianghlim hnathawh a lo lang a. Zing atanga an zai kha Tlai lam 1:30 pm ah an bang chauh (Dr. Lalzama). OR  Tlai lam 4:00pm ah an bang thei chiah (Rev. SR Lalkailuaia).

       Aizawl ah hian Thlarau Thianghlim hnathawh- Hlim taka zaiho, Hlim lam, Khurh, mahni Sualna puan te chu Ni 9.4.1906 (Monday) ah chiah a lo lang a. Chu chu Moirang Khawmpui kal lo haw te, Chaltlanga an tawngtai ho atanga ni 4 hnu ah (a ni 5-na) chiah a ni. He mi ni ni hi Tuivai lui a KHANDAIH pa ho Sangha Tlangvuak ram riak ni 4- na chiah a ni a. Ringtu ho in Sangha an dap ve ni chiah a ni. Hemi hma hma chiah Ni 8.4.1906 (Sunday) kha Tuivai Lui  kama HNUNEKA (Pawihte) leh a thiante zinga THLARAU THIANGHLIM hnathawh lo lanchhuah tran na ni kha a ni ve bawk.

      Mahse, Ni 4.4.1906 Nilaini- Moirang atanga an lo haw a, Chaltlanga an tawngtai a, chuta Thlarau thianghlim Mei eng anga lo lang an hmuh ni, Thlarau Thianghlim in a awmpui nia an hriat ni tak kha, MIZORAM HARHNA NI ah chuan an chhal ta a ni..

       Kan peng thui ta deuh, Khandaih Pa ho Sangha vua ah kir leh ang..  Tuivai atang chuan Sangha tam tak nen an haw a. An haw kawngah chuan an chawl a, Pathian hla an sa a, an zai tawp tawp mai thei lo a ni awm e. Neihruma chuan hla chang a sawi a, Vawi 30 lai te a sawi nawn hial a, an zavai chuan an lam mup mup mai a ni. Khua an thlen hnu leh a tuk ah pawh Mual zawl ah an zai a, an lam mup mup a. Kristian te chu an lo pung chak ta hlea, Khandaih (Phullen) khaw pum chuan a chiah hneh hle a.

       Chutia Ringtu thenkhat te, hnathawk lo a an Zai mup mup mai leh Sunday a hnathawh an duh loh takah chuan Lal leh khawnbawl upa te ngaihdan a ni lo hle a. Khandaih Tihduhdahna tih pawh kha a lo chhuak hial a. Mizo Kristian Martar hmasa ber Tv CHALBUANGA pawh hemi kalzel ah hian Kum 1906 khan a MARTAR ta hial a ni. Mahse, dodalna nasa tak kar ah leh, Ringlo mi tam tak karah pawh HNUNEKA leh a thian Ringtu thenkhat te chu ISUA LAMAH AN TRANG tlat ngam a ni.

       Tichuan, HARHNA THLEN NI chu 4.4.1906 (Nilaini) ni mahse, mak tak maia  HARHNA HNATHAWH lo lanchhuah ni chu, Aizawl ah Ni 9.4.1906 (Thawhtan) ah a ni a,  KHANDAIH ah Ni 8.4.1906 (Pathianni) khan a ni ve thung. Khandaih ah hian a langchhuak hmasa zawk angin a sawi theih.

(Source - Phullen Presbyterian Kohhran Centenary Souvenir, "Mizo Kristian Martar Hmasaber" - upa Lalrinzauva, "Isua Lama Tang Hnuneka Pawite" - Upa Khuangchhana, "Phullen Kohhran Chanchin" - PB Lalruatkima, "Chanchintha Meichhitu Phullen" - Dr. Lalzama,  http://www.laldoma.blogspot.in leh hmun dang dang a mi)