I MITTUI HRUKSAKTU CHE KHAN HNEMTU A NGAI ASIN.!

    Khatia i mittui far tur a hrûk hul sak melh melh lái che khân e; a hruk saktu che thinlung chhungril kha a keh sawm a, a tuiral vek a ni tih kha i hre kher awm si lo..!!

    I mit hmuhah nui hmelpuin, rilru zângkhai tak pu angin lang mahse,  a chungrilah chuan a lan dân ang kha a ni hauh si lo..

   Nangmah hnem tumtu thinlung zawk khân hnêmtu a ngai a. Chu hnêmtu thinlung khawhar hnêm tur chuan, bianga mitui luang mêk hruk hul sak ngai ve tho Nangmah ngei lo chu tling zo an awm lo tih pawh i hre kher lo mai thei..

    Thil hi a lan dân ang ngawt hi a lo va ni lo tak em! ..hnêmtu thinlung zawk pawh hi hnem a ngai ve tho a...! A hnêm theitu pawh a hnem lai ngei mai chu a ni bawk si.. a mak teh mang e hringnun hi..!

DEMOCRACY RAM LIANBER INDIA INTHLANG MEK

         Khavela Democracy ram lian ber India ram Inthlanpui 2014 hi kan thlir kual ve thuak thuak teh ang. 

         India ram rorelna Inpui Lok Sabha 15-na chu 31st May, 2014 hian a tawp dawn a. Lok Sabha 16-na tur chu 7th April to 12th May, 2014 chhung hian thlan a ni. Inthlan hi thawh kua (9 phases) a huaihawt a ni a, Ruahman lawk ang chuan 16th May, 2014 hian Inthlan result hi puan a ni ang.

          India ram hi khawvela mipui thlan ten ro an relna ram ‘Democracy’ lian ber a ni a. Kumin 2014 General Election-ah hian mihring vaibelchhe 81.45 in vote an nei a, Parliamentary constituency 543-ah inthlanna neih a ni ang. 

          In Thlan Hautak : Kumin 2014 Inthlanpui hi India ram chanchin a inthlan hautak ber leh rei ber tur a ni. ECI in a chhut danin venhimna lam leh Political party hrang hrangten anmahni puala an sum sen ral ve chhut tel miah lo pawhin 35 billion (35000000000) vel seng turin a chhut a, hei hi inthlan hnuhnung ber a senso let thum vel a ni. Kum 2012 a USA President thlanna kha khawvela inthlan hautak ber a ni a, kumin a India inthlanpui hian a dawt a ni.
 
* INTHLAN CHUHTU PARTY INTELKHAWMTE: Tun inthlanpuiah hian BJP kaihhruai NDA, Congress kaihhruai UPA, Third Front te leh AAP te chuan nasa takin an in chuh a, tunge sorkarna siam dawn tih chu result puan hunah a hriat ang.

* BORUAK INLUMLET: Nikum 2013 khan State engemaw zatah MLA thlan a ni a, nasa takin hruaitu inthlakna a thleng a. BJP in hma an sawn a, Congress sorkar rengna thin Rajasthan-ah chuan BJP an chak a, Delhi-ah pawh Party thar AAP in Sorkarna an siam hial a, February 2014 khan an tawp leh ta a. 

          BJP in hma a sawnna chhan hi PM candidate Modi vang ni a sawi te a awm a, Sorkar lai (Congress) nin hrim hrim vanga sawinate pawh a awm bawk. Party thar Aam Aadmi Party (AAP) a rawn len hluai nachhan pawh hi mipuiten party politics an ning a, ram hruai turin mi tha leh eiru lo an duh tawh vang niin a lang.

* TUNGE PRIME MINISTER ANG: BJP chuan sorkarna an siam chuan Gujarat Chief Minister vawi 4-na hmang mek tu kum 63 mi Narendra Modi chu Prime Minister a ni ang, tiin September 2013 khan an sawi lawk a. Congress erawh chuan PM tur official a puan lawk an nei lo a, chutih laiin Sorkarna an siam a nih chuan Rahul Gandhi, kum 43 mi, Party Vice President ni mek chu PM a nih a rinawm.

          Hetihlai hian kum 45 mi Arvin Kejriwal-a, AAP hruaitute, Tamil Nadu Chief Minister Pi J. Jayalalitha te, Samajwadi Party President Mulayam Singh Yadav te, W. Bengal Chief Minister Mamata banerjee te pawh Prime Minister nih theihna remchang an hmuh chuan, nih ngei tumte zinga sawi an ni. NDA hruaitu hlui Bihar Chief Minister Nitish Kumar a hming pawh a sawi lan a ni.

* BIAL NGAIHNAWM THENKHAT:
1.VARANASI (UP): “Khawpui Thianghlim inbeihna” an tih maiah hian BPJ Prime Minister candidate Narendra Modi leh Political Party thar thang duang tak AAP Party hruaitu Arvin Kejriwal te an in khing dawn a. May 12 hian vote an thlak ang. 

2. VIDISHA (MP): BJP hruaitu lar tuna Opposition Leader ni mek Sushma Swaraj dinna bial a ni a. A kingpui Lakshman Singh hi Congress leh BJP ticket in MP a ni tawh thin a. Kum 2004 khan Congress atangin BJP a zawm a, kum 2010 khan BJP atangin hnawh chhuah a ni a, tunah Congress ticket in a ding leh ta a ni.

3. VADODARA (Gujarat): He bialah hian Congress Party hruaitu hlun Madhusudan Mistry leh BJP Prime Minister hual Narendra Modi te an in khing dawn a. Mistry-a hi MP ni ve tawh thin, RSS hruaitu hlui a ni.

4. AMRITSAR (Panjub): He bialah hian Rajya Sabha opposition leader Arun Jetley, BJP candidate leh Punjab Chief Minister hlui Captain Amarinder Singh te an in khing dawn. Arun Jetley hi helaiah hian a vawi khat dinna a ni.

5. AMETHI (UP): He bial hi India ram MP bial lar ber pawl a ni reng thin a. Tun hmain Sunjay Gandi, Rajiv Gandhi, Sonia Gandhi, Rahul Gandi te lo tlin tawhna bial a ni. Rahul Gandhi (Congress), Dharmendra Pratab Singh (BSP), CoDr. Kumar Vishva (AAP), Smiti Zubin Irani (BJP) te nen an in khing ang. 

1. RAE BARELI (UP): He bial hi UPA Chairperson Pi Sonia Gandhi bial a ni a. Kuminah hian Ajay Agrawal (BJP), Pravesh Singh (BSP), Archana Srivastava (AAP) te nen an in khing dawn a ni. (Phek 3-naah chhunzawm a ni)

2. BALMER (Rajasthan): He bial tana BJP party ticket a chanloh avanga lungawi lo, Union Minister hlui Jaswant Singh chu Indipendent in a ding a. BJP hruaituten a aia an din tir Col. Sonam Ram nen an in khing.

3 MIZORAM: Mizoram MP inthlan hi kum dang zawng aiin a boruak a sang niin a lang a. Candidates te leh Party hruaitute pawh an tang nasa hle. Pu CL Ruala (Congress) MP ni lai leh Pu M. Lalmanzuala (AAP) leh Pu Robert Romawia Royte (Independent) te an in khing. 

 
* MP NILAI 2014 INTHLAN CHUH TAWH LO TURTE:
Finance Minister nilai Chidambaram(INC) - Rajya Sabha a beisei a rinawm.
Union Agri. Minister Sharad Pawar(NCP)  - A lo sawilawk tawh angin, thangtharte tan hmun a kian.
IOC Chairman hlui Suresh Kalmadi (INC) - 2010 Commonwealth Game erukna avangin.
Union Minister hlui Yashant Sinha (BJP)  - A bialah a fapa a ding ve thung ang.