Khawnge ziahtur a vang si, hotunu Varte te, Hotupa ~sekibuhchhuak~ te, Keimah (Serene) ten an post ngaihnawm thei bawk si.. A chhiartu ringawt kan ni kumkhua dawn tlat,, rilru a rawn lut apiang hi, inpuahchahna awm miahlovin kan ziak ve pawp mai teh ang.
Kei hi Mizoram hmar lam pang atanga lo chawrchhuak ka ni a.. Mizo tlangval, inti mizo ve tak ka ni thin. Kan historian ten Pawih ral hlauhawm zia an sawi leh ziak han hriat ve te hian Pawih ho chu le?? te ka lo ti ve mai mai thin, Mahni hnamah hian a bo theih khawp mai a; mahse Mizo ka nihna ah chuan bo chu ka la inti bik chuang hlei lova. Pawi/Lai, paihte, hmar, lusei, kuki, ralte, mara, etc. a enga pawh hi ni ila, Mizo kan ni vek tihah hian ka lo chiang tawk ve em em thin a. Keimah pawh chu Pawih/ Pawi ka ni tih ka inhre ve tawp a, hmanlaia 'Pawih/Pawi ral lian' an tih te chu midang daih ah ka lo ruat ve ngawt zel a. Mahse, kan pu te an lo ni reng sia..
Mizo chanchin hlui (history) ziak tu thenkhat fimkhur lo deuh te phei chuan 'Mizo leh Pawih an indo" ti tein an ziak ve bawk a. Mizo ka ni a, Pawih ka ni bawk si a, a bo theih thin khawp mai.. Ka pu(Pawih/Pawi) te khan Mizo ho an runa, tichuan ka Pu(Mizo) te vek chuan Pawih ho an run ve bawk dawn tihna emmawni le? te ka lo ti thin..? Mahse, Mizo leh Pawih/Pawi te kha indo lovin, Zo hnahthlak hnam hrang hrang Lusei leh Pawih te, Ralte, Hmar, etc te chu an lo indo thin zawk a lo ni awm a.
Engpawh chu nise, Mizo leh Pawih pawh chu lo indo pawh ni se Bawihtlung/bawitlung pa (Pawihte) ni reng chungin, Mizo diktak ka la ni ve reng tho. A dik tlat a. Mizoram an pelh hnu a MIZO ta lo riau hi a lo awm theih khawp mai. Mizoramah chuan Mizo tak, Mahse ramdanga Mizo a inchhal chiah lo te pawh kan lo awm ve zel ni awm tak a nia. Tlem tawh nak a lai hian a hahtlak thin khawp mai. Hnamdang thian thenkhat inti Mizo hre ve tak tak te hian 'Mizo nge?, Hmar nge?, Sailo nge?, Lusei nge?, Lai nge?, Kuki nge?, Mara nge?, i nih te min ti leh zauh thin.. Chung hunah chuan "MIZO" ka ni ka ti fo thin.. Mizo vek kan ni tlat a.
Kan chanchin ziaktu thenkhat te hian Pawih leh Mizo an indo pawh ti se, huat thamah ka lo ruat lem lo va. Pawih ral leh pasaltha te sual zia te pawh sawi thin mahse, buaipui tham ah ka ruat lem lo.. A chhanchu an hunlai kha chuan Lal hrang hrang te kha chakzawk an awm ve kha a ngaih chang a awm thin tlat a.
PAWIH a ni emaw LAI a ni emaw, ka buai hran lo, ka buaina tak zawk a chu PAWIH tih ah hian 'H' a tel tur nge tur lo? tih hi a ni ta. Han chhui zau a, tawng thiam deuh te han rawn turin taimak a har phian bawk si. Mahni awmhmunah ka lo ngaihtuah ve mai mai thin a. Ka buaina ti zual tu leh chu BAWIHTLUNG tihah hian 'H' hi a tel tur a ni em? tih hi a ni leh bawk.. Thlahtu bul lamah chuan ka buailo, Mizo leh Pawih tih lamah lah ka buailo, Lai emaw Pawih emaw pawh min ti se, ka la buai chuang lo. Mahse ka PAWIH/PAWI pui thenkhat te hian 'H' an telh a, thenkhat te hian an telh leh bawk silo a, ka "H" telh leh telh lohah chuan ka buai ta. Hnambo chu ka inti phal chiah lo nangin, "HNAM HMING BO" chu ka ni ve ta deuh chuan ka hria. He lamah lah hian han chhuizauna kan nei lo mai mai khawp lehnghal a! Ka hnam hming ka ziah dawn a piang hian ka rilru hian a "H" dah tur nge, dahloh tur tih hi a hre chhuak ziah lehnghal...
Ka pu te zinga pakhat chuan 'H' tel lo hian a hmang ngei a.. Mahse Thenkhat 'H' dah tel ka hmuh hian a dik ve tho lo maw aw?? te ka ti bawk si. Thutlukna ber leh dik tih ber nei fumfe lo chuan ka hnam hming chu - PAWIH BAWIHTLUNG tiin kei Pawihte hian ka ziak ve ta fo mai.
Dik tak maw??? (http://en.netlog.com/bbuata/blog/)
Bawitlung ti hi ka hriat dan thin chu ani. Mahse, BAWIHTLUNG tih pawh chu a dik zawk mai thei.
ReplyDeleteKa pa pa;ka pu hi HRINGNGEN ani awm e. Mahse, Aizawl alo pem hnu khan an vengah HRINGNGEN kha an awm silova- Pawih hnam peng tho FANAI ainti ta a. Tun thleng hian atu leh fate pawh kan inti FANAI ta. Pawih-ve tho i lo ni a! :-)
Ekhai....ka hriat loh lam tak a ni e. Ka nu hian Fanai Pawih an in ti deuh kher thin. Helam chu kan Historian ril zawk ten han sawifiah thei se that dawn hi mawle.
ReplyDelete@sekibuhchhuak : i hriat dan 'bawitlung' ti a hmang hi Internet lam hmang tu te profile vel ka en hi chuan an tam zawk tlat.. a dikzawk erawh ka ti ngam lem lo. Ka nu hi Fanai a ni ve bawk asin.
ReplyDelete@Irene : I lo lenglut hi a lawm awm khawp mai.. Nute lam atang pawhin keipawh "fanai pawih" ve bawk..
I lo la dam a ni maw??? Kan college kal lai a va ngaihawm ve... kan nu hi i farnu ehhh..
ReplyDelete-Auva
@Dawldang : Kan la dam ve tawk tawk e. College kal lai hi chu a ngaihawm viau reng a ni. Keipawh ka hun paltlang/tawn tawh ah chuan hun nuam ber lai ni in ka hria... Mahse, zirlai ni si kha, khatih lai khan Inah ka awmtam hman meuhlo, ka leng reng mai.:)
ReplyDeleteKa Farnu chu hmuh ve ka va chak ve le, lo duat viau rawh aw.. ha ha :D
Dini of Zemabawk North, College a i kawm ve thin khan November ni 5 hian Pasal a nei don, i lo hre tawh em? Bawihtlung hi in lo tam ve phian mai. A tlangpuiin bawihtlung mipa chu an thaibawi duh an ti hahahahaha
ReplyDeleteE heee, Auva,,, Dini kha maw, khaw lam mi nge a neih dawn le aw, ka lo hre hlei nem le, ruai threh vel hi ka hriat theih tehlul nen,,.:D Tin, Delhi lamah te khan a zuk awm khan ka hria a.. Nula ngawichawi leh fel tak kha a ni reuh a, a pasal tur chu a fel kan ring ringawt a,.. Duhawmi a inti thu awm ve aw.!!
ReplyDeleteSesawng lam mi a ni awm e, Sesawngah an innei dawn an ti. Delhi-ah kha chuan kum khat vel bak a zu awm ta lo niin ka hria, ka haw khat ltk a engvakmah ka hre bik lo, phone a inbiak hi a ni deuh mai a
ReplyDelete@Dawdanga : (Auva)Sesawng lam tlangval maw?? An khaw Bus tukverh vela a rawn dakchhuak lai Dini chuan an tukverh atangin a lo hmufuh anga an in hualta a niang a.. :D
ReplyDeleteTaktakah a lawmawm e, thiante chanchin han hriat ringawt pawhin, lung a leng a lawm le, College kan kal lai te kha la reilo hle mahse, engtikah mah kan tawngleh awm si lo,, Kan ti nek nek anga, kan tar ve mai dawn a nih awm hi le.
An in chhar dan ka hre lo lolzzz. Nia, thiante han in biak pawh hi chu a nuam ve khawp mai. Zote-a te nen kha chuan kan la in phone kual deuh reng; a bak chu in bo zo ta emaw ka lo ti hman a, hahaha; mahni tuanna mual mualah chuan kan lo buai ve hlawm hle a nih dawn hi
ReplyDeleteNi e tiraw, kan buai ve nak nak tlang a ni e...
DeleteZiah tur i hre khawp alawm, kei chu he lam hi ka hre thui lo khawp, thlahtu bul pawh hi ka chhui thui thei lo, ka mawlna lam tak a ni
ReplyDeleteNi e tiraw, chhui thui a har a ni e.
Deletekei pawh ka hre thui lo.. hriat a har em a ni tiraw
Delete